Oʻzbekiston boʻyicha mart oyining birinchi oʻn kunligi boshida nisbatan sovuq havo boʻlishi kutilmoqda. Bu haqda Oʻzgidromet xabar berdi.
Harorat asosan kechalari 3 daraja sovuq, 2 daraja iliq boʻladi, kunduz kunlari 7-10 daraja iliqdan 0-3 daraja iliqqacha oʻzgarib turadi. 2-3-mart kunlari respublika boʻyicha baʼzi joylarda yogʻingarchilik (yomgʻir, qor) boʻladi.
Respublika shimolida 1-mart kuni qor koʻrinishidagi yogʻingarchilik boʻlishi kutilmoqda. Havo harorati kechalari 2-7 daraja sovuqdan 7-12 daraja sovuqqacha, kunduz kunlari 0-5 daraja sovuqdan 3-8 daraja iliqqacha oʻzgarib turadi.
Birinchi oʻn kunlikning ikkinchi yarmida havo harorati me’yoriy qiymatlargacha – kechalari 3-8 daraja iliqqacha, kunduz kunlari 10-15 daraja iliqqacha koʻtariladi. 8-10-mart kunlari respublika boʻyicha baʼzi joylarda yana yogʻingarchilik (yomgʻir koʻrinishida) boʻlishi kutilmoqda.
Keyinchalik mart oyining oxirigacha harorat kechalari 7-12 daraja iliqdan 2daraja sovuq-3 daraja iliqqacha, kunduz kunlari 17-22 daraja iliqdan 5-10 daraja iliqqacha oʻzgarib turishi kutilmoqda. Respublika janubida eng iliq kunlarda havo harorati 25-27 daraja iliqqacha koʻtariladi.
Jahon prognozlash markazlari hisoblariga asoslanib, Oʻzgidrometning dastlabki hisoblariga koʻra, umuman mart oyi biroz iliq oy deb baholanmoqda. Oʻrtacha oylik havo harorati me’yor atrofida, baʼzi joylarda me’yordan 1-1,5 darajaga yuqori boʻlishi kutilmoqda.
Ko`proq xabarlar Telegram kanalimizda
Obuna bo`ling
