Hukumat Toshkent shahrining 2045-yilgacha bo‘lgan bosh rejasini tasdiqladi.
U aholi ehtiyojlari, ekologik zonalar va madaniy merosni muhofaza qilishni hisobga olgan holda shaharni rivojlantirishni nazarda tutadi.
Bosh reja soddalashtirilgan formatda ishlab chiqilgan. Bu shaharni rivojlantirish strategiyasini, shuningdek, hududlar uchun umumiy talablarni belgilaydi va bosh reja asosida ichki hududlarni mustaqil ravishda rivojlantirishga imkon beradi.
Bosh rejada qo‘shimcha 10 ming gektar yashil hudud tashkil etish va shahar atrofida 15 ming gektar yashil belbog‘ barpo etish ko‘zda tutilgan. Bu yashil hududlar maydonini kishi boshiga 3 kv.m dan 8 kv.m gacha oshirish imkonini beradi.
Bosh reja bilan qamrab olingan Toshkent shahrining umumiy maydoni 43 873 gektarni tashkil etadi. Aholining prognoz qilinayotgan o‘sishi 3 milliondan 7,4 millionga yetadi.
Ko`proq xabarlar Telegram kanalimizda
Obuna bo`ling
