5-dekabr kuni 16:07 da Toshkent viloyati FVBga Chirchiq daryosining Qibray tumani “Qipchoq” mahallasi hududidan oqib oʻtuvchi qismining oʻrtasidagi orolchada fuqaro qolib ketganligi haqida xabar kelib tushgan.
Qutqaruv qayigʻi hamda maxsus anjomlar yordamida fuqaro daryodagi orolchadan sogʻ-salomat xavfsiz joyga olib chiqilgan va tez tibbiy yordam xodimlariga topshirilgan.
Maʼlum boʻlishicha fuqaro otga minib olgan holda daryoning bir qirgʻogʻidan ikkinchi qirgʻogʻiga oʻtayotgan vaqtida otning oyogʻi toyib yiqilib tushgan va daryoda oqib ketgan. Shundan soʻng daryo oʻrtasidagi orolchaga chiqib olgan. Ot oʻz harakatlari bilan qirgʻoqqa chiqib olgan.
Hozirda fuqaroning ahvoli yaxshi, shifokorlar tomonidan malakali tibbiy koʻrikdan oʻtkazilib, yashash uyiga ruxsat berilgan.
Ko`proq xabarlar Telegram kanalimizda
Obuna bo`ling
