Namangan shahar, A.Temur koʻchasida 11-fevral kuni soat 06:40 larda YTH sodir boʻldi. Bu haqda Namangan viloyati IIB YHXB axborot xizmati xabar berdi.
Nomaʼlum shaxs oʻzining boshqaruvida boʻlgan Gentra avtomashinasida harakatlanib, yoʻlni kesib oʻtayotgan piyoda 1958-yilda tugʻilgan fuqaroni urib yuborib, hodisa joyidan yashiringan.
Natijada piyoda olgan tan jarohati sababli voqea joyida vafot etgan.
Holat yuzasidan Namangan shahar IIB huzuridagi Tergov boʻlimi tomonidan JKning 117-moddasi 2-qismi va 266-moddasi 2-qismi bilan jinoyat ishi qoʻzgʻatilgan.
Nomaʼlum haydovchini topish boʻyicha oʻtkazilayotgan tezkor qidiruv ishlari yuzasidan qora rangli Gentra avtomashinalar mutaxassislar tomonidan tekshirilib, tekshiruv yakunlangandan soʻng ruxsat berilmoqda.
Ko`proq xabarlar Telegram kanalimizda
Obuna bo`ling
