Prezidentning tegishli farmonlari bilan, Administratsiyada bir qator o‘zgarishlar amalga oshirildi. Bu haqda prezident matbuot kotibi xabar berdi.
Jumladan, Ravshan Gulyamov prezidentning hududiy rivojlanish bo‘yicha maslahatchisi lavozimiga tayinlandi. Shu munosabat bilan u prezidentning iqtisodiy siyosat bo‘yicha maslahatchisi lavozimidan ozod etildi.
Obid Xakimov prezidentning iqtisodiy siyosat bo‘yicha maslahatchisi lavozimiga tayinlandi. Shu munosabat bilan prezidentning iqtisodiy siyosat bo‘yicha maslahatchisi o‘rinbosari - Iqtisodiy tadqiqotlar va islohotlar markazi direktori lavozimidan ozod etildi.
Aziz Magrupov prezidentning hududiy rivojlanish bo‘yicha maslahatchisi o‘rinbosari lavozimiga tayinlandi. Shu munosabat bilan prezidentning tashqi investitsiyalar bo‘yicha vakili lavozimidan ozod etildi.
Ko`proq xabarlar Telegram kanalimizda
Obuna bo`ling
