Ichki ishlar vazirligi fuqarolarga xorijga chiqish biometrik pasport, identifikatsiyalovchi ID-karta, haydovchilik va avtomototransport vositasini roʻyxatdan oʻtkazilgani toʻgʻrisida guvohnomaning oshirilgan toʻlov stavkalari boʻyicha kombinatsiyalashgan raqamlarni berish boʻyicha toʻgʻrisidagi hukumat qarori loyihasini muhokamaga qoʻydi.
Loyihaga koʻra, bugungi kunda fuqarolarda oʻzlari xohlagan raqamlar komibinatsiyasiga ega boʻlgan identifikatsiyalovchi ID-karta, xorijga chiqish biometrik pasporti, haydovchilik va avtomototransport vositasini roʻyxatdan oʻtkazilganlik toʻgʻrisidagi guvohnomani olishga talab oshib bormoqda.
Ichki ishlar vazirligining quyidagi takliflari maʼqullanadi:
- xaridorgir raqamlar komibinatsiyasiga ega boʻlgan identifikatsiyalovchi ID-karta, xorijga chiqish biometrik pasporti, haydovchilik va avtomototransport vositasini roʻyxatdan oʻtkazilganligi toʻgʻrisidagi guvohnomani oshirilgan toʻlov stavkalari boʻyicha berish tizimini joriy etish;
- xaridorgir raqamlar kombinatsiyasiga ega boʻlgan identifikatsiyalovchi ID-karta, xorijga chiqish biometrik pasporti, haydovchilik va avtomototransport vositasini roʻyxatdan oʻtkazilganligi toʻgʻrisidagi guvohnomani berish boʻyicha davlat xizmatini qoʻshimcha toʻlov asosida texnik qurilmalar hamda dasturiy taʼminotlar orqali koʻrsatish.
Ko`proq xabarlar Telegram kanalimizda
Obuna bo`ling
