Toshkent shahar, Yakkasaroy tumanidagi Shota Rustaveli ko‘chasining Grand Mir mehmonxonasi bilan kesishmasidan Bobur ko‘chasigacha bo‘lgan qismida transport harakati vaqtincha cheklanadi. Bu haqda poytaxt transport va yo‘l-transport infratuzilmasini rivojlantirish bosh boshqarmasi xabar berdi.
Maʼlum qilinishicha, bunga rekonstruksiya ishlari olib borilishi sabab bo‘ladi. Cheklov 2-avgustdan 25-avgustgacha amal qiladi.
Shu bois avtobus yo‘nalishlari harakati quyidagicha vaqtincha o‘zgartiriladi:
18, 38, 58, 67-sonli yo‘nalishlar:
- Shahrisabz ko‘chasi → Mirobod → Nukus → Bobur → Sh.Rustaveli ko‘chalari orqali harakatlanadi.
57, 81, 98-sonli yo‘nalishlar:
- Mirobod → Yusuf Xos Hojib → Bobur ko‘chalari orqali harakatlanadi.
127-sonli yo‘nalish:
- Nukus → Muqimiy ko‘chalari orqali harakatlanadi.
Rekonstruksiya ishlari davomida ko‘chalardagi tirbandlik ortishi ehtimoli mavjud. Shunga ko‘ra, yo‘nalishlarga qo‘shimcha o‘zgartirishlar kiritilishi mumkin.
Avtobuslarning harakat vaqti hamda oraliq vaqti rejadagidan uzoqroq bo‘lishi mumkin.
Ko`proq xabarlar Telegram kanalimizda
Obuna bo`ling
