4-iyuldan Toshkentda to‘rtta avtobus yo‘nalishi vaqtincha o‘zgartirildi. Bu haqda poytaxt transport va yo‘l-transport infratuzilmasini rivojlantirish bosh boshqarmasi xabar berdi.
Bunga Kichik halqa yo‘lidan Parkent ko‘chasiga kirish va chiqish yo‘l bo‘laklari yopilishi sabab bo‘ladi.
Shu bois quyidagi avtobus yo‘nalishlari harakatida o‘zgarishlar kiritildi:
- 62- va 70-sonli yo‘nalishlar harakati Kichik halqa yo‘lidagi «Harbiy litsey» bekatigacha qisqartirildi;
- 89- va 95-sonli yo‘nalishlar shahar markazidan qaytishda harakati Osiyo, Oqqo‘rg‘on, Mustaqillik, Parkent ko‘chalari orqali amalga oshiriladi.
Yo‘llardagi tirbandliklar sababli avtobuslarning qatnov vaqti rejadagidan uzayishi mumkin.
Ko`proq xabarlar Telegram kanalimizda
Obuna bo`ling
