Strategik islohotlar agentligi Oʻzbekistonda tungi iqtisodiyotni yanada rivojlantirish masalalarini oʻrganib, tegishli takliflar tayyorladi.
Xususan, quyidagilar taklif etilmoqda:
- 2025-yil 1-fevraldan tungi iqtisodiyot va turizmni rivojlantirish masalalari boʻyicha ishchi guruh tuzish;
- koʻngilochar muassasalarning juma va shanba kunlari kecha-kunduz ishlashi hamda ularning ish soatlariga qoʻyilgan cheklovlarni bekor qilish
- turistik jozibador zonalarni aniqlash va ularda tungi tadbirlar uchun joylarni tashkil etish;
- Toshkent shahridagi jamoat transportini (avtobuslar, tramvay, metro) kecha-kunduz ishlash rejimiga oʻtkazish;
- tungi muassasalar, jamoat transporti yoʻnalishlari va maxsus takliflar toʻgʻrisidagi maʼlumotlarni oʻz ichiga olgan “Tungi Toshkent” elektron platformasini yaratish;
- tungi iqtisodiyot uchun maʼlum hududlarni modernizatsiya qilish, koʻchalarni yoritishni kuchaytirish hamda aholi va sayyohlar uchun qoʻshimcha qulayliklar yaratish.
Yuqoridagilarni inobatga olgan holda, “Oʻzbekistonda tungi iqtisodiyotni yanada rivojlantirish chora-tadbirlari toʻgʻrisida”gi prezident farmoni loyihasini ishlab chiqish, shuningdek, tungi iqtisodiyot sohasida litsenziyalash tizimini isloh qilishni nazarda tutuvchi qonunni tayyorlash maqsadga muvofiqligi taʼkidlangan.
Ko`proq xabarlar Telegram kanalimizda
Obuna bo`ling
