Uchtepa tumani TXAY ko‘chasida 27-dekabr kuni soat 00:40 larda YTH sodir bo‘ldi.
Haydovchi 1999-yilda tug‘ilgan N.K. Tracker avtomashinasini boshqarib ketayotib, rul boshqaruvini yo‘qotib, yo‘lni ajratib turuvchi beton to‘siqqa va beton sim yog‘ochga to‘qnashgan.
Hodisa oqibatida haydovchi birinchi tez tibbiy yordam ko‘rsatish maqsadida shifoxonaga olib ketilgan.
27-dekabr kuni soat 00:45 larda Olmazor tumani, Beruniy ko‘chasida Malibu-2, Cobalt, BMW va Matiz avtomashinalari o‘zaro to‘qnashgan.
Hodisa oqibatida BMW yo‘lovchisi 1992-yilda tug‘ilgan F.A.ga tez yordam xodimlari tomonidan birinchi tez tibbiy yordam ko‘rsatilgan.
27-dekabr kuni soat 01:10 larda Mirzo Ulug‘bek tumani Oltintepa ko‘chasida YTH sodir bo‘ldi.
2004-yilda tug‘ilgan haydovchi D.A. boshqaruvidagi Nexia-3 hamda 1979-yilda tug‘ilgan haydovchi boshqaruvida bo‘lgan Captiva avtomashinalari to‘qnashgan.
Hodisa oqibatida Nexia-3 rusumli avtomashina haydovchisi shifoxonaga olib ketilgan.
Holatlar yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.
Ko`proq xabarlar Telegram kanalimizda
Obuna bo`ling
