Sherzodjon Polvonov viloyat hokimining oʻrinbosari etib tayinlandi, deb xabar bermoqda Fargʻona viloyati hokimligi matbuot xizmati.
U bunga qadar Mahallalari uyushmasining mahallalar obodligini taʼminlash va maʼnaviy-maʼrifiy ishlarni tashkil etish boshqarmasi boshligʻi vazifasida ishlab kelgan.
Sherzodjon Polvonov viloyat hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari etib tayinlandi.
Polvonov 1987-yilda Rishton tumanida tugʻilgan. Fargʻona politexnika instituti hamda Rossiya xalq xoʻjaligi va davlat boshqaruvi akademiyasi (magistratura)ni tamomlagan.
2020-2024-yillarda Oʻzbekiston Respublikasi Tashqi mehnat migratsiya agentligining Rossiya Federatsiyasi Novosibirsk shahridagi vakolatxonasi rahbari boʻlib ishlagan.
2024-yilning mart oyidan Fargʻona viloyati hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari boʻlib ishlab kelgan Sherzod Rahimov oʻz arizasiga koʻra lavozimidan ozod etildi.
Ko`proq xabarlar Telegram kanalimizda
Obuna bo`ling
