Toshkentda 28-martdan boshlab ayrim avtobus yoʻnalishlarida oʻzgarishlar kiritildi. Bu haqda poytaxt transport va yoʻl-transport infratuzilmasini rivojlantirish bosh boshqarmasi xabar berdi.
Oʻzgarishlar quyidagicha boʻladi:
190-sonli avtobus yoʻnalishi
“Yangibozor ASHB - Mashinasozlar metrosi” yoʻnalishi Yangi Oʻzbekiston koʻchasi orqali Yangi Toshkent bekatigacha bir tomonlama harakat qiladi. Keyin oʻzining avvalgi yoʻnalishi boʻylab harakatni davom ettiradi.
Yangi 197-sonli avtobus yoʻnalishi ochiladi
“Oʻzbekiston mehmonxonasi bekati - Yangi Toshkent bekati” yoʻnalishi tashkil etiladi. Ushbu yoʻnalish Maxtumquli va Yangi Oʻzbekiston yoʻli koʻchalari orqali harakatlanadi.
137-sonli avtobus yoʻnalishi
Endilikda Istiqbol mahallasi bekatidan Parkent yoʻli koʻchasi orqali Yangi Toshkent bekatigacha ikki tomonlama harakat qiladi. “Istiqbol mahallasi - Qoʻshqoʻrgʻon mahallasi” yoʻnalishi “Yangi Toshkent bekati - Qoʻshqoʻrgʻon mahallasi” deb nomlanadi.