O‘zbekiston hududi bo‘yicha 22–26-sentabr kunlari havo biroz bulutli, ba‘zi joylarda o‘zgaruvchan bo‘ladi, yog‘ingarchilik kutilmaydi. Bu haqda O‘zgidromet xabar berdi.
Havo harorati asosan kechalari 12-17 daraja, kunduz kunlari 24-29 daraja atrofida bo‘ladi.
22-23-sentabr va 26-sentabr kunlari Toshkent viloyati va Farg‘ona vodiysi viloyatlarining tog‘ oldi va tog‘li hududlarida ba‘zi joylarda qisqa muddatli yomg‘ir yog‘ishi mumkin.
24 va 26-sentabrda respublika shimolida va cho‘l hududlarida ba‘zi joylarda shamol tezligi 13-18 m/s gacha kuchayishi, ayrim joylarda chang-to‘zonlar bilan kuzatilishi mumkin.
Toshkentda havo biroz bulutli, vaqti-vaqti bilan o‘zgaruvchan bo‘ladi, yog‘ingarchilik kutilmaydi. Shamol sharqdan 3-8 m/s tezlikda esadi.
Harorat asosan kechalari 13-16 daraja, kunduzi 22-23-sentabrda 24-27 daraja,24-26-sentabrda 27-29 daraja bo‘ladi.
Ko`proq xabarlar Telegram kanalimizda
Obuna bo`ling
