Prezident qarori bilan Maxmud Istamov adliya vaziri o‘rinbosari lavozimiga tayinlandi. Bu haqda vazirlik matbuot xizmati xabar berdi.
Maxmud Istamov 1979-yilda tug‘ilgan. 2000-yilda Toshkent davlat yuridik institutini tamomlagan.
2017-yilda Prezident devoni Siyosiy-huquqiy masalalar xizmati Sud-huquq sohasidagi qonunchilik shu‘basi mudiri lavozimlarida ishlagan. 2017-2019-yillarda adliya vazirining o‘rinbosari, birinchi o‘rinbosari lavozimlarida faoliyat yuritgan.
2019-2021-yillarda Markaziy saylov komissiyasi raisining o‘rinbosari lavozimida, 2021-2024-yillarda Buxoro viloyati prokurori lavozimida ishlagan.
Tayinlovga qadar (2024-yildan) Oliy Majlis Qonunchilik palatasi Devoni rahbari lavozimida faoliyat ko‘rsatgan.
Ko`proq xabarlar Telegram kanalimizda
Obuna bo`ling
