“O‘zbekneftgaz” AJ bugundan boshlab Ai-80 benzinini birja savdolari orqali sotishni to‘xtatdi. Bu haqda AJ matbuot xizmati xabar berdi.
Taʼkidlanishicha, bosqichma-bosqich Ai-92 avtobenzin ishlab chiqarishga o‘tish va sentyabrdan boshlab birja savdolariga faqat yuqori oktanli avtobenzin joylashtirilishi rejalashtirilgan.
Shu bois, 2-sentyabrdan Ai-80 benzinini birja savdolari orqali sotish to‘xtatildi.
Ai-92 avtobenzinning birja savdolariga chiqarish hajmlari oshirildi. Shu vaqtga qadar 1000 tonna Ai-92 benzini savdolarga qo‘yilgan bo‘lsa, bugungi kunda bu raqam 1720 tonnani tashkil etmoqda.
"Avgustda tadbirkor iste‘molchilar tomonidan xarid qilingan Ai-80 avtobenzin hajmlari majburiyat va mavjud qoldiqlar doirasida sentyabr oyida ham o‘z egalariga yetkazib berilishi ma‘lum qilinadi", deyiladi xabarda.
Ko`proq xabarlar Telegram kanalimizda
Obuna bo`ling
