Toshkent viloyatining Bo‘stonliq tumani, “Chimyon” MFY hududida joylashgan yog‘ochli konstruksiya materialidan qurilgan restoranlarning birida 10-iyun kuni soat 01:32 da yong‘in ro‘y berdi. Bu haqda poytaxt FVB xabar berdi.
Maʼlum qilinishicha, 5 ta yong‘in-qutqaruv ekipaji soat 02:01 da voqea joyiga yetib borib, yong‘in soat 02:13 da o‘rab olingan va soat 04:20 da o‘chirilgan.
Yong‘in natijasida restoranning taxminan 300 kv metr maydonda tomi, shifti, ichki qismi va jihozlari yongan.
Hodisa oqibatida tan jarohati olganlar to‘g‘risida xabar kelib tushmagan. Yong‘in sababi va zarari aniqlanmoqda.
Ko`proq xabarlar Telegram kanalimizda
Obuna bo`ling
