Qamchiq dovonida Toshkent—Vodiy yoʻnalishida harakatlangan CHANGAN avtomashinasi yukxonasida boʻlgan elektroskuterning quvvatlagichida 11-aprel kuni soat 21:53 da qisqa tutashuv yuzaga keldi. Bu haqda FVV matbuot xizmati xabar berdi.
Maʼlum qilinishicha, tutashuv natijasida yongʻin sodir boʻldi. Shunga koʻra 2 ta yongʻin-qutqaruv ekipaji soat 22:09 da voqea joyiga yetib borib, yongʻin soat 22:11 da oʻrab olingan va soat 22:12 da yongʻin toʻliq bartaraf etilgan.
Hodisa oqibatida mashinaning salon qismi hamda yukxonasi yonib zararlangan.
Tezkor harakatlar natijasida yukxonada boʻlgan 18 ta velosipeddan 9 tasi va 4 ta elektroskuterdan 1 tasi yongʻindan saqlab qolingan.
Hodisa oqibatida tan jarohati olgan va halok boʻlganlar yoʻq.
Ko`proq xabarlar Telegram kanalimizda
Obuna bo`ling
