Haj—2025 dasturi boshlanganligi munosabati bilan 14-apreldan boshlab Uzbekistan Airways Toshkent – Jidda – Toshkent yoʻnalishidagi reyslarda Umra vizasiga ega yoʻlovchilarni qabul qilishni toʻxtatadi. Bu haqda kompaniya matbuot xizmati xabar berdi.
14-apreldan boshlab aviakompaniya reyslari orqali Saudiya Arabistoniga borayotgan barcha yoʻlovchilar Toshkentga qaytish chiptasiga ega boʻlishi va 30-aprelgacha mamlakat hududini tark etishi shart.
Agar 30-apreldan keyin Saudiya Arabistonida qolgan yoʻlovchilar aniqlansa, jarimalar uchun javobgarlik agent yoki yoʻlovchining zimmasiga yuklanadi.
Saudiya Arabistoni Fuqaro aviatsiyasi bosh boshqarmasi aylanmasiga muvofiq, Uzbekistan Airways tomonidan amalga oshirilayotgan Toshkent – Jidda – Toshkent reyslari 30-apreldan boshlab bekor qilinadi.
Ko`proq xabarlar Telegram kanalimizda
Obuna bo`ling
