Andijon va Toshkent viloyati hokimlariga ikki nafardan yangi o‘rinbosarlar tayinlandi.
Abdusattor Otabayev Andijon viloyati hokimining jamoat va diniy tashkilotlar bilan aloqalar bo‘yicha o‘rinbosari bo‘ldi.
U mazkur lavozimga tayinlanguniga qadar, harbiy qismlarda harbiy xizmatchi vazifasida faoliyat olib borgan.
Elmurod Ismoilov esa viloyat hokimining o‘rinbosari-viloyat investitsiyalar, sanoat va savdo boshqarmasi boshlig‘i bo‘ldi.
Ushbu lavozimga tayinlanguniga qadar u hokimlik investitsiyalar, sanoat va savdo masalalari bo‘yicha kotibiyati mudiri vazifasida faoliyat olib borgan.
Jahongir Mamajonov Toshkent viloyati hokimining o‘rinbosari – Investitsiyalar, sanoat va savdo boshqarmasi boshlig‘i lavozimiga tayinlandi.
Tayinlovga qadar u AQSHdagi “JM Group” kompaniyalari bosh direktori vazifasida xizmat qilayotgan edi.
Ruslan Kunarov esa viloyat hokimining sanoat korxonalarini rivojlantirish masalalari bo‘yicha o‘rinbosari lavozimiga tayinlandi.
Tayinlovga qadar u Yangiyo‘l tumanidagi “BIO KORM” xususiy korxonasining Ishlab chiqarish masalasi bo‘yicha maslahatchisi vazifasida xizmat qilayotgan edi.
Ko`proq xabarlar Telegram kanalimizda
Obuna bo`ling
