Toshkent shahrida 24-mart kuni issiqlik tarmoqlarining maksimal haroratga chidamliligi sinovdan o‘tkaziladi. Bu haqda Veolia Energy Tashkent xabar berdi.
Shu munosabat bilan soat 9:00 dan 18:00 gacha bir qator hududlarda issiq suv ta‘minoti vaqtincha to‘xtatiladi. Jumladan:
Shayxontohur tumani
- Ko‘chalar va prospektlar: Navoiy, Beruniy, Islom Karimov, Samarqand Darvoza, Abay, Abdulla Qodiriy, Chorsu, Gulobod.
- Maydonlar va mavzelar: Chorsu, Qaratosh.
- Mavzelar va dahalar: Markaz-10, 11, 13, 14.
Olmazor tumani
- Ko‘chalar va prospektlar: Olmazor, Kichik halqa yo‘li, Mannon Uyg‘ur, Qoraqamish, Huvaydo.
- Mavze: Olmazor.
- Mavzelar va dahalar: Qarakamish 2/1, 2/2, Markaz-26, 27, 28.
Chilonzor tumani
- Ko‘chalar va prospektlar: Bunyodkor, Paxtakor, Furqat, Beshyog‘och, Talabalar, Nurafshon, Ziyo, Shifonur.
- Mavze: Beshyog‘och.
- Mavzelar va dahalar: B-1, B-2, B-3.
Yunusobod tumani
- Ko‘chalar: Ahmad Donish, Shahriston, Yangi Yunusobod, Yunus ota, Juma masjid.
- Mavzelar va dahalar: №2–19, Yangi shahar, Dehqonobod, Sohibkor, Uch Qahramon, Moyqo‘rg‘on, Quloqtepa.
Sinovlar kelasi isitish mavsumiga puxta tayyorgarlik ko‘rish maqsadida o‘tkazilmoqda.
Maksimal haroratdagi sinovlar davomida quvur tizimlariga yukning qisqa muddatli oshishi mumkin, bu esa issiq suv yo‘llar va trotuarlarga chiqib ketishi mumkin.
Ko`proq xabarlar Telegram kanalimizda
Obuna bo`ling
