Toshkent hayvonot bogʻi xodimlari, veterinariya xizmati va xorijiy veterinar mutaxassislarning saʼy-harakatlariga qaramay jirafa nobud boʻldi.
Maʼlum qilinishicha, eng yomon taxmin tasdiqlangan: patologanatomik tekshiruv natijalari jirafaning oʻlimiga oshqozon buralishi sabab boʻlganini koʻrsatdi.
"Barcha harakatlarimizga qaramay, natija fojeaviy boʻldi. Jirafalarning anatomik va fiziologik xususiyatlari tufayli, ularning oshqozon-ichak tizimida jarrohlik amaliyotlarini oʻtkazib boʻlmaydi. Chunki jahon amaliyotida bunday kasalliklarni muvaffaqiyatli davolash holatlari mavjud emas. Biz uchun katta yoʻqotish. Shu ogʻir damlarda qoʻllab-quvvatlab, tushunganingiz uchun minnatdormiz", — deyiladi xabarda.
Ko`proq xabarlar Telegram kanalimizda
Obuna bo`ling
