Prezident Shavkat Mirziyoyevning taklifiga binoan Italiya bosh vaziri Jorja Meloni 28-29 may kunlari rasmiy tashrif bilan O‘zbekistonda bo‘ladi. Bu haqda Prezident matbuot xizmati xabar berdi.
Sammit davlat rahbarining 2023-yil 7-9 iyun kunlari Italiyaga rasmiy tashrifi davomida erishilgan kelishuvlarga muvofiq o‘tkaziladi.
Samarqand shahrida bo‘lib o‘tadigan oliy darajadagi muzokaralarda O‘zbekiston-Italiya strategik sheriklik munosabatlarini yana-da mustahkamlash va ko‘p qirrali hamkorlikni kengaytirish masalalari ko‘rib chiqiladi.
Innovatsion hamkorlik va gumanitar almashinuv loyihalarini ilgari surish diqqat markazida bo‘ladi.
Yakunda ikki tomonlama bitimlar to‘plamini imzolash ko‘zda tutilgan.
Ko`proq xabarlar Telegram kanalimizda
Obuna bo`ling
