Bugun va dam olish kunlari respublika bo‘yicha yog‘ingarchiliksiz biroz bulutli ob-havo saqlanib turadi, deb xabar berdi O‘zgidromet.
Ma’lum qilinishicha, kechasi havo harorati 0-3 daraja sovuq, ba’zi joylarda 5 daraja sovuqqacha, kunduzi quyosh havoni 6-11 daraja iliqqacha isitishi kuzatiladi. Qoraqalpog‘iston Respublikasida kechasi 5-10 daraja sovuq, kunduzi 2-7 daraja iliq bo‘ladi.
Respublikaning ayrim joylariga kechasi va ertalab tuman tushishi mumkin. Shamol sharqiy yo‘nalishdan yengil va o‘rtacha tezlikda esadi.
Toshkent shahrida biroz bulutli, yog‘ingarchiliksiz havo bo‘ladi. Shamol sharqdan 3-8 m/s tezlikda esadi. Havo harorati kechasi 0-3 daraja sovuq, kunduzi 8-11 daraja iliq bo‘ladi.
Ko`proq xabarlar Telegram kanalimizda
Obuna bo`ling
