Prezident qarorida belgilangan vazifalar ijrosi doirasida Gulistonda aholiga sifatli jamoat transporti xizmati koʻrsatishni yoʻlga qoʻyish maqsadida zamonaviy avtobuslari olib kelinishi davom etmoqda. Bu haqda Transport vazirligi xabar berdi.
2024-yilda Sirdaryo viloyatiga Xitoyda ishlab chiqarilgan zamonaviy turdagi 8 dona YUTONG avtobuslar olib kelinib, Guliston shahar yoʻnalishlariga joylashtirilgan edi.
Jamoat transporti parkini yangilash borasidagi ishlar doirasida Xitoyda ishlab chiqarilgan 12 dona ZHONG TONG shahar tipidagi avtobuslar olib kelindi.
Olib kelingan yangi avtobuslar Guliston shahridagi yoʻnalishlarda faoliyat koʻrsatayotgan ISUZU avtobuslar oʻrniga joylashtirilib, shahar aholisi va tashrif buyuruvchi mehmonlarga transport xizmatlari koʻrsatilishi rejalashtirilgan.
Shuningdek, 8 dona yangi ZHONG TONG avtobuslar xarid qilish boʻyicha kelishuv shartnomalari tuzildi.
Umumiy hisobda Guliston shahridagi jamoat transportlari uchun jami 65 dona yangi avtobuslar xarid qilishi rejalashtirilgan.
Ko`proq xabarlar Telegram kanalimizda
Obuna bo`ling
