Yangi Oʻzbekiston shoh koʻchasining bir qismi 13-apreldan 1-sentyabrgacha avtomashinalar harakati uchun yopiladi. Bu haqda Toshkent shahar hokimligi matbuot xizmati xabar berdi.
Maʼlum qilinishicha, bunga Olimpiya shaharchasi hududi atrofida yer osti tunneli qurilishi boshlanishi sabab boʻladi.
- Yopiladigan yoʻl qismi — CAEX koʻrgazma majmuasidan Yangi Oʻzbekiston bogʻiga kiraverishgacha.
Ushbu yoʻl qismining yopilishi sababli, transport vositalarining harakatini taʼminlash maqsadida Olimpiya shaharchasi orqa tomonidan — Murabbiylar koʻchasi orqali qoʻshimcha harakat yoʻnalishi tashkil qilingan.
Haydovchilarga oʻz harakatlarini ushbu yoʻnalishda davom ettirishlari mumkinligi aytildi.
Ko`proq xabarlar Telegram kanalimizda
Obuna bo`ling
