27-oktyabrdan 28-oktyabrga oʻtar kechasi Samarqand viloyatining Qoʻshrabot, Toshkent viloyatining Amirsoy togʻlari va Navoiy viloyatining Xatirchi tumanida qor yogʻdi.
Qoʻshrabot tumanidagi qordan suratlar tarmoqlarda tarqaldi.
Shuningdek, Amirsoyda ham birinchi qor yogʻgani aytildi.
Xatirchi tumani Langar togʻli hududlarida kecha tunda qor yogʻib oʻtdi. Erta tongdan bulutsimon tuman hodisasi kuzatildi.
Bugun Toshkent shahar hokimligi aholiga murojaat qilib, isitish davri tashqi havoning oʻrtacha sutkalik harorati ketma-ket 5 kunlik davrda 8 darajadan past boʻlgan paytdan boshlanishi haqida xabar berdi.
Repost.uz avvalroq ushbu haftada havo sovib, harorat -2 darajaga tushishini yozgan edi.
Ko`proq xabarlar Telegram kanalimizda
Obuna bo`ling
