Farg‘ona viloyatining O‘zbekiston tumani, “A.Jomiy” M.F.Y “A.Navoiy” ko‘chasi hududidan o‘tgan yo‘lda 14-iyun kuni soat 13:30 larda YTH sodir bo‘ldi. Bu haqda viloyati IIB JXX YHXB axborot xizmati xabar berdi.
2008-yilda tug‘ilgan haydovchi R.N (ayol) Lacetti-2 avtomobilini boshqarib ketayotib, quvib o‘tish qoidasiga amal qilmasdan qarama qarshi yo‘nalishga o‘tgan.
So‘ng o‘z yo‘nalishida harakatlanib kelayotgan FAW TIGER rusumli avtomobili bilan to‘qnashgan.
Hodisa oqibatida Lacetti-2 haydovchisi R.N (ayol) va avtomoblda bo‘lgan 2007-yilda tug‘ilgan yo‘lovchi Z.Sh shifoxonada vafot etgan.
Hozirda ushbu holat yuzasidan tergovga qadar tekshiruv harakatlari olib borilmoqda.
Ko`proq xabarlar Telegram kanalimizda
Obuna bo`ling
