Namangan viloyatining Pop tumanida 2-aprel kuni soat 11:43 larda Hazratibob MFY hududidan oqib oʻtuvchi soyning kechuv yoʻlidan oʻtayotgan LABO avtomobili botib qoldi. Bu haqda FVV matbuot xizmati xabar berdi.
Oqibatda haydovchining 4 yoshli farzandi avtomobil ichida qolib ketgan.
Tuman FVB qutqaruvchilari aytilgan manzilga yetib borib, bolani qutqardi.
Shuningdek maxsus texnika yordamida avtomobil botib qolgan joyidan olib chiqilgan.