Prezident Shavkat Mirziyoyev “Markaziy Osiyo – Yevropa Ittifoqi” birinchi sammitida nutq soʻzladi.
Davlat rahbari ushbu uchrashuv jadal va oldindan bashorat qilib boʻlmaydigan global jarayonlar sharoitida oʻtayotganini taʼkidladi.
“Biz geosiyosiy ziddiyatlar, xavfsizlik muammolari, yirik mintaqaviy mojarolarning hamda barqaror taraqqiyotga nisbatan ijtimoiy va iqtisodiy tahdidlarning kuchayishiga guvoh boʻlmoqdamiz.
Ayonki, hech bir mintaqa keng xalqaro hamkorliksiz bu qadar murakkab masalalarni mustaqil holda hal etishga qodir emas.
Shu munosabat bilan taʼkidlashni istardimki, Markaziy Osiyo va Yevropa Ittifoqi anʼanaviy sheriklar boʻlib, oʻzaro yaqin hamkorlik uchun talab faqat oʻsib bormoqda. Biz ham Yevropa tomoni kabi xalqaro huquqning tamoyil va meʼyorlariga sodiqligimizni bildiramiz.
Ukraina atrofidagi vaziyatni tinch yoʻl bilan hal etish boʻyicha muzokaralar jarayonlari boshlanganini olqishlaymiz va toʻliq qoʻllab-quvvatlaymiz. Oldinda juda murakkab va yechimi oson boʻlmagan masalalar turganini tushunamiz.
Biroq diplomatik saʼy-harakatlar va siyosiy qarorlar qabul qilishdan boshqa muqobil yoʻlni biz koʻrmayapmiz”, — deydi prezident.
Ko`proq xabarlar Telegram kanalimizda
Obuna bo`ling
