“Tashabbusli budjet”ning joriy yilgi 1-mavsumi yakunlariga koʻra, gʻolib boʻla olmagan 33 ta loyiha uchun qoʻshimcha mablagʻ ajratildi. Bu haqda Iqtisodiyot va moliya vazirligi xabar berdi.
Maʼlum qilinishicha, xalq deputatlari tuman (shahar) Kengashlari tomonidan gʻolib boʻlmagan navbatdagi loyihalarni moliyalashtirish uchun mahalliy budjetning qoʻshimcha mablagʻlari hisobidan 7,5 mlrd soʻm ajratilib, 33 ta loyiha qoʻshimcha ravishda gʻolib deb topildi.
Maʼlumot uchun, amaldagi tartibga koʻra, xalq deputatlari tuman (shahar) kengashlariga mahalliy budjetning qoʻshimcha mablagʻlari hisobidan qoʻshimcha tarzda gʻolib loyihalarni eʼlon qilish vakolati berilgan.
Gʻolib loyihalar roʻyxati bilan mazkur havola orqali tanishish mumkin.
Ko`proq xabarlar Telegram kanalimizda
Obuna bo`ling
