Samarqand shahar, “Al-Xorazmiy” MFY hududidan o‘tgan “Nodirabegim” va “Cho‘lpon” ko‘chalari kesishmasida 15-noyabr kuni soat 14:05 larda YTH sodir bo‘ldi. Bu haqda viloyat YHXB xabar berdi.
Haydovchi Damas-2‘ni boshqarib kelib, chap tomonga ikkinchi darajali yo‘lga burilish vaqtida qarama-qarshi tomondan harakatlanib kelayotgan Onix‘ni o‘tkazib yubormasdan yo‘lga chiqib ketib, to‘qnashuv sodir etgan.
Oqibatda Damas-2‘ning ikki nafar yo‘lovchisi shifoxonaga yotqizilgan.
Shuningdek, yo‘lovchilardan biri ko‘rsatilgan tibbiy yordamga qaramasdan shifoxonada vafot etgan.
Holat yuzasidan jinoyat ishi qo‘zg‘atilib, dastlabki tergov harakatlari olib borilmoqda.
Ko`proq xabarlar Telegram kanalimizda
Obuna bo`ling
