Prezident Shavkat Mirziyoyev amaliy tashrif bilan Xoʻjand shahriga keldi. Bu haqda Prezident matbuot xizmati xabar berdi.
Aeroportda davlat rahbarini Tojikiston prezidenti Emomali Rahmon kutib oldi. Shundan soʻng Shavkat Mirziyoyev Emomali Rahmon bilan uchrashuv oʻtkazdi.
Yetakchilar mintaqaviy kun tartibi, shu jumladan Oʻzbekistonda oʻtkaziladigan koʻp tomonlama sammitlar yuzasidan ham fikr almashdi.
Muzokaralar yakunida Oʻzbekiston va Tojikiston prezidentlari huzurida tashqi siyosat idoralari rahbarlari Oʻzbekiston bilan Tojikiston oʻrtasida Ittifoqchilik munosabatlari toʻgʻrisidagi shartnomaning kuchga kirishi haqidagi bayonnomani imzoladilar va ratifikatsiya yorliqlarini almashdi.
Shartnoma oʻtgan yili 18-aprel kuni Dushanbe shahrida boʻlib oʻtgan oliy darajadagi ikki tomonlama sammitda imzolangan edi.
Hujjat ratifikatsiya yorliqlari almashilgan kundan eʼtiboran kuchga kiradi.
Ko`proq xabarlar Telegram kanalimizda
Obuna bo`ling
