Toshkent shahrining Yashnobod tumani, Mavlono Riyoziy koʻchasida joylashgan podstansiyada 11-aprel kuni soat 13:20 da yongʻin sodir boʻldi. Bu haqda Toshkent shahar FVB xabar berdi.
Yongʻin qutqaruv ekipajlari aytilgan manzilga soat 13:27 da yetib borib, yongʻin soat 13:41 da oʻchirildi. Aytilgan manzilda podstansiya hududidagi transformator kabellari yonib zararlangani aniqlandi.
Yongʻin natijasida tan jarohati olgan va vafot etgan fuqarolar yoʻq. Ayni vaqtda yongʻin sababi va moddiy zarari aniqlanmoqda.
Ko`proq xabarlar Telegram kanalimizda
Obuna bo`ling
