Hukumatning “Umumiy o‘rta taʼlim sohasi xodimlari o‘rtasida “Yil o‘qituvchisi” hamda “Kasbiy mahorat yetakchisi” tanlovlarini tashkil etish va o‘tkazish chora-tadbirlari to‘g‘risida”gi qarori qabul qilindi. Bu haqda Adliya vazirligi xabar berdi.
Qarorga ko‘ra, 2026-yildan har 2 yilda 1 marta quyidagi tanlovlar o‘tkaziladi:
- Maktabgacha va maktab taʼlimi vazirligi tizimidagi umumiy o‘rta taʼlim tashkilotlari pedagog xodimlari o‘rtasida “Yil o‘qituvchisi” tanlovi;
- pedagogik mahorat markazlari direktorlari o‘rtasida “Kasbiy mahorat yetakchisi” tanlovi.
Qaror bilan quyidagi nizomlar tasdiqlandi:
- “Yil o‘qituvchisi” tanlovini o‘tkazish tartibi to‘g‘risidagi;
- “Kasbiy mahorat yetakchisi” tanlovini o‘tkazish tartibi to‘g‘risidagi.
Tanlovlar yakunlariga ko‘ra g‘olib deb topilgan har bir nomzod QR-kodli sertifikat bilan taqdirlanadi.
Sertifikat asosida g‘oliblar BHMning 1 400 baravari (525 mln so‘m) ga teng pul mukofoti bilan taqdirlanadi.
Ko`proq xabarlar Telegram kanalimizda
Obuna bo`ling
