Toshkent shahrining Yashnobod hamda Bektemir tumanlarida 13-aprel kuni YTHlar sodir boʻldi. Bu haqda Toshkent shahar IIBB Yoʻl harakati xavfsizligi boshqarmasi xabar berdi.
Maʼlum qilinishicha, 13-aprel kuni soat 14:30 larda Yashnobod tumani, Yangi Oʻzbekiston koʻchasida BYD hamda Lacetti avtomashinalari toʻqnagan.
Hodisa oqibatida Lacetti rusumli avtomashinasining 2 nafar yoʻlovchisiga shifokorlar tomonidan birinchi tibbiy yordam koʻrsatilgan.
Holat yuzasidan Toshkent shahar IIBB YHXB masʼul xodimlari tomonidan surishtiruv ishlari olib borilmoqda.
Shuningdek, Bektemir tumani, Xonobod koʻchasida 1998-yilda tugʻilgan D.A. HOWO yuk avtomashinasini boshqarib ketayotib, yoʻlning belgilanmagan qismidan kesib oʻtayotgan1969-yilda tugʻilgan piyoda G.D.ni urib yuborgan.
YTH oqibatida piyoda olgan tan jarohatlari natijasida voqea joyida vafot etgan.
Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi bilan jinoyat ishi qoʻzgʻatilgan. Tergov harakatlari davom etmoqda.
Ko`proq xabarlar Telegram kanalimizda
Obuna bo`ling
