Foto: Anadolu
Rossiya Afg‘oniston tufayli Tojikiston va Qirg‘izistondagi harbiy bazalarining tayyorgarligini oshirdi. Bu haqda Sergey Shoygu ShHT davlatlari mudofaa vazirlari yig‘ilishida aytib o‘tdi.
Uning soʻzlariga koʻra, IShID va “Al-Qoida” xalqaro terrorchilik tashkilotlari faollashib borayotgan Afgʻonistondagi vaziyat Markaziy Osiyo mintaqasi uchun jiddiy xavf boʻlib qolmoqda.
Mamlakatda davom etayotgan qurolli qarama-qarshilik fonida ijtimoiy-iqtisodiy vaziyat yomonlashmoqda, diniy radikalizm mafkurasi singdirilmoqda, giyohvand moddalar savdosi va transchegaraviy jinoyatlar avj olmoqda”, — deya qo‘shimcha qildi Shoygu.
Shuningdek, Sergey Shoyguning taʼkidlashicha, Rossiya mintaqada xavfsizlikni taʼminlash choralarini koʻrmoqda.
Ko`proq xabarlar Telegram kanalimizda
Obuna bo`ling
