Foto: Instagram
Ro'zmetova Alina 18 yoshda. Model Moskvadagi Davlat boshqaruvi universitetining Iqtisodiyot fakultetida tahsil oladi. Alina modellik bilan shug‘ullanadi va hozirda “Face of Asia” tanlovida ishtirok etish uchun Janubiy Koreyaga jo'nab ketgan.
U “Face of Uzbekistan” tanlovida g‘olibi hisoblanadi. Dastlab hakamlar hay'ati uchta o'rin uchun munosib nomzodlarni tanlagan, biroq Alinani ham e'tibordan chetda qoldirishmadi. Shuning uchun model hozir Janubiy Koreyada bo'lgan to'rtta g'olibdan biriga aylangan.
"Men uch yildan beri modellik sohasida faoliyat yuritaman. "Art Models"da o'qiganman va hozirda ushbu agentlik a'zosiman, bu meni juda xursand qiladi. O‘qituvchilarning yordami va qo‘llab-quvvatlashi tufayli men ko‘p yutuqlarga erishdim", - deydi Alina.
"Modellik sohasiga yangi qadam qo'yganlar uchun maslahat bermoqchiman: qaror chiqarishdan, o'zingizni yangi narsada sinab ko'rishdan qo'rqmang. Bunday tavkkal qilish o'z-o'zini hurmat qilishiga ham ijobiy, ham salbiy ta'sir ko'rsatishi mumkin. Hayotda hamma narsa bo'lishi mumkin. Shuning uchun xato qilishdan qo'rmang, biror narsa noto'g'ri bo'lsa ham, muvaffaqiyatga erisha olasiz, shunchaki taslim bo'lmang. Biz oldinga ishonch bilan borishimiz kerak!", — deydi u.
"Kelajakda imkon qadar rivojlanib, mashhurlik zinapoyasiga ko‘tarilaman. Chunki men hech qachon modellikni hobby sifatida qabul qilmaganman. Men O‘zbekiston modellari haqida dunyo bilishi uchun harakat qilyapman. Buning uchun men o‘z oldimga qo‘ygan eng yaqin maqsadim – "Osiyo go'zali"ga aylanishim kerak", – deya ta'kidladi model.
Ma'lumot uchun, Alina 19-oktyabr kuni "Faceof Asia" tanlovida ishtirok etadi.
Ko`proq xabarlar Telegram kanalimizda
Obuna bo`ling
