Davlat test markazi (DTM) test sinovlari natijalaridan norozi bo'lgan abituriyentlarning apellyatsiyasini ko'rib chiqishi haqida aytib o'tdi.
Qayd etilishicha, test natijalaridan norozi bo'lib, shikoyat qilmoqchi bo'lgan abituriyentlar yakuniy tanlov natijalari e'lon qilingan kundan boshlab 10 kun ichida apellyatsiya berishlari mumkin.
Ma'lum qilinishicha, murojaatlar my.dtm.uz saytidagi shaxsiy kabinet orqali beriladi.
Ta'kidlanishicha, appellyatsiya berish uchun abituriyent test topshirgan bo'lishi va testdan chetlashtirilmagan bo'lishi kerak.
Shundan so'ng, murojaat etuvchilarga apellyatsiya sanasi va vaqti ko'rsatilgan bildirishnoma beriladi.
Shuningdek, ariza beruvchi DTMga bildirishnomada ko'rsatilgan vaqtda shaxsini tasdiqlovchi hujjat bilan, to'g'ridan-to'g'ri xabarnomaning o'zi va arizachining ruxsatnomasi bilan kelishi kerak.
Eslatib o‘tamiz , 27-avgust kuni DTM 2022/2023-o'quv yili uchun oliy ta'lim muassasalariga kirish imtihonlari natijalarini e'lon qilgan edi.
Ko`proq xabarlar Telegram kanalimizda
Obuna bo`ling
