Foto: skysports
"Manchester Yunayted" klubi Krishtianu Ronalduning "Chelsi"ga qarshi o‘yinda qaydnomaga kiritilmasligini e’lon qildi.
Bunga katta ehtimol bilan Ronalduning kechagi qilig‘i sabab bo‘lgan.
"Krishtianu Ronaldu shanba kuni o‘tkaziladigan "Chelsi"ga qarshi uchrashuvda qaydnomaga kiritilmaydi. Qolgan tarkib o‘yinga bor e’tiborini qaratgan va to‘liq tayyorlanmoqda", -deyiladi klub bayonotida.
Bunday qarorga kelinishiga katta ehtimol bilan "Tottenxem"ga qarshi uchrashuvda Ronalduning o‘yin tugamasidan maydonni tark etgani bo‘ldi. "Shporlar"ga qarshi o‘yindan keyingi matbuot anjumanida Erik ten Xag Ronaldu masalasini ertasi kuni hal qilishini aytgandi.
Ko`proq xabarlar Telegram kanalimizda
Obuna bo`ling
