Foto: Videodan lavha
3-dekabr kuni Toshkent shahri Shayxontohur tumanida Cobalt yoʻldan oʻtayotgan ona va bolani urib yubordi. Bu haqda Yoʻl harakati xavfsizlik xizmati xabar bermoqda.
Qayd etilishicha, Zulfiyaxonim koʻchasida Cobalt rusumli mashinada harakatlanib ketayotgan 49 yoshli haydovchi 31 yoshli ayol va uning 6 yoshli farzandini urib yuborgan.
Oqibatda ayol tan jarohatlari bilan kasalxonaning jonlantirish boʻlimiga yotqizilgan. Farzandining ahvoli qoniqarli boʻlgani uchun tibbiy koʻrikdan soʻng uyiga yuborilgan.
Holat yuzasidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 1-qismi bilan jinoyat ishi qoʻzgatilgan. Tergov harakatlari davom etmoqda.
Ko`proq xabarlar Telegram kanalimizda
Obuna bo`ling
