Foto: Tez News
Yangi yil kechasi Oʻzbekistonning ayrim hududlarida qor yogʻishi kutilmoqda. Bu haqda Gidrometeorologiya xizmati markazi xabar bermoqda.
Qayd etilishicha, bugun, 30-dekabr kuni Qoraqalpogʻiston Respublikasi, Xorazm viloyatida va kechga tomon Buxoro, Navoiy viloyatlarida baʼzi joylarda biroz yogʻingarchilik (yomgʻir, qor) boʻlishi mumkin, respublikaning qolgan hududlarida yogʻingarchilik kutilmaydi. Kunduzi havo harorati +4...+9 daraja iliqni tashkil etadi.
31-dekabr kuni Toshkent, Samarqand, Jizzax, Sirdaryo viloyatlarida va Fargʻona vodiysi viloyatlarida yogʻingarchilik (yomgʻir, qor) boʻladi, Buxoro, Navoiy viloyatlarida esa yogʻingarchilik faqat kechasi boʻlishi mumkin. respublikaning qolgan hududlarida yogʻingarchilik kutilmaydi. Havo harorati kechasi -2 daraja sovuq +3 daraja iliq, kunduzi +2...+7 daraja iliq boʻladi.
Yangi yil kechasi faqat Toshkent viloyati va Fargʻona vodiysi viloyatlarida baʼzi joylarda biroz qor yogʻishi mumkin.
1-yanvarda respublika hududining katta qismida yogʻingarchilik kutilmaydi, faqat kunning ikkinchi yarmida Qoraqalpogʻiston Respublikasida qor yogʻadi. Havo harorati deyarli oʻzgarmaydi.
Kechasi va ertalab respublika boʻyicha baʼzi joylarga tuman tushishi kuzatiladi.
Dam olish kunlari togʻli hududlarda vaqti-vaqti bilan qor koʻrinishidagi yogʻingarchilik boʻlishi kutilmoqda.
Ko`proq xabarlar Telegram kanalimizda
Obuna bo`ling
