Foto: Videodan lavha
Ijtimoiy tarmoqlarda Toshkent shahrida toʻrtta mashina ishtirokida yoʻl transport hodisasi boʻlgani aks etgan videolar tarqaldi. Mazkur holat yuzasidan Yoʻl harakati xavfsizligi matbuot xizmati bayonot berdi.
Qayd etilishicha, voqea 14-noyabr kuni soat taxminan 21:10 larda Toshkent shahar, Amir Temur koʻchasi, TATU universiteti roʻparasida sodir boʻlgan.
Unga koʻra, 22 yoshli haydovchi boshqaruvidagi “Lada Vesta”, 29 yoshli haydovchi boshqaruvidagi “Equinox”, 24 yoshli haydovchi boshqaruvidagi “Mercedes-Benz” va yoʻl chetida toʻxtab turgan “Nexia” mashinalari (haydovchining shaxsiga aniqlik kiritilmoqda) ishtirokida toʻqnashuv yuz bergan. Oqibatda “Equinox” mashinasi agʻdarilib ketgan.
Hodisa natijasida “Equinox” haydovchisi jarohatlangan, unga birinchi tez tibbiy yordam koʻrsatilgan.
Hozirda, YTH yuzasidan Toshkent shahar IIBB JXX YHXB xodimlari tomonidan surishtiruv harakatlari olib borilmoqda.
Ko`proq xabarlar Telegram kanalimizda
Obuna bo`ling
