Foto: Freepik
O‘zbekistonda qimor o‘yiniga qiziquvchi fuqarolar soni ortib bormoqda. Bu haqda Oliy Majlis Qonunchilik palatasi matbuot xizmati xabar berdi.
So'nggi yillarda qimor va boshqa xavf-xatarga asoslangan o'yinlar omma orasida mashhur bo'ldi. Bu onlayn qimor oʻyinlari bilan shugʻullanayotgan fuqarolarning oʻz joniga qasd qilishiga, firibgarlik, budjet mablagʻlarini oʻzlashtirishiga olib kelmoqda, deyiladi xabarda.
Mamlakatda har yili qimor o‘yinlari bilan bog‘liq ma’muriy huquqbuzarliklar soni ortib bormoqda. Quyida tegishli statistik ma'lumotlar keltirilgan:
- 2019 yil – 1 454 ta;
- 2020 yil - 2 864 ta;
- 2021 yil - 3 372 ta;
- 2022-yilning birinchi yarmi - 2 325 ta
Ushbu oʻyinlarni tashkil etish bilan bogʻliq jinoyatlar:
- 2019-yilda 55;
- 2020-yilda 86;
- 2021-yilda 103;
- 2022-yilning birinchi yarmida 90 tani tashkil etgan .
Shu munosabat bilan deputatlar qimor va boshqa xavf-xatarga asoslangan o‘yinlarni noqonuniy tashkil etish, o‘tkazish, noqonuniy tarqatish, reklama qilish va har qanday shaklda yordam ko‘rsatish uchun javobgarlikni kuchaytirishni nazarda tutuvchi qonun loyihasini ko‘rib chiqdilar.
Deputatlar tomonidan qonun loyihasini yanada takomillashtirish yuzasidan taklif va tavsiyalar berildi.
Ko`proq xabarlar Telegram kanalimizda
Obuna bo`ling
