Foto: Sputnik
Afgʻoniston Qozogʻistonning Mansur Fotih kompaniyasi bilan Hayraton-Mozori Sharif temir yoʻlini boshqarish boʻyicha shartnoma imzoladi. Bu haqda Tolo News xabar bermoqda.
Qayd etlishicha, Qozogʻiston kompaniyasi 106 kilometr yoʻlga xizmat koʻrsatadi, shuningdek, temiryoʻlga oid texnik muammolarni hal qiladi.
“Oʻzbekistonning «Soʻgʻdiyona Trans” kompaniyasiga 15 million dollar toʻlaganmiz, u bor-yoʻgʻi 22 km masofani bosib oʻtgan. Yangi kompaniya yiliga 4,1 million dollar evaziga 106 km masofaga xizmat koʻrsatadi», — deydi Afgʻoniston temir yoʻl boshqarmasi rahbari Baxt Rahmon Sharafat.
Xabarga koʻra, 2022-yilning aprel oyida Afgʻoniston va Oʻzbekiston temir yoʻllari ushbu temir yoʻlni saqlash boʻyicha muzokaralar olib borgan.
Mansur Fotih rahbari oʻrinbosari Bisnbay Maxanovning maʼlum qilishicha, kompaniya xodimlari soni oshiriladi. Aniq raqam filialning tarmoqli kengligidan kelib chiqqan holda maʼlum boʻladi.
Ko`proq xabarlar Telegram kanalimizda
Obuna bo`ling
