Foto: Aniq.uz
Jizzax viloyati IIB Zomin tumanida bir ayol farzandlari ko'z o'nggida kaltaklanib, zo'rlangani haqidagi xabarlarga munosabat bildirdi.
Ijtimoiy tarmoqlarda Zomin tumanida ayol farzandlari koʻz oʻnggida kaltaklanib zoʻrlangani haqida xabar tarqalgan.
Unga ko'ra, Zomin tumani “Peshagʻor” QFYda yashovchi uy bekasi, 2 nafar farzandning onasi B.Z. tuman IIBga uni zo'rlashganini aytib murojaat qilgan.
Aytilishicha, 24-iyul kuni soat 02:45 larda u oʻzining yashash uyiga tumanning “Yoshlik” mahallasida yashovchi 2 nafar shaxs yotoqxona derazasi orqali kirib, uni qoʻrqitishgani, yuziga bir necha marotaba urishgani va zoʻrlab nomusiga tekkanligini aytgan.
Holat yuzasidan Zomin tumani IIB huzuridagi tergov boʻlimi tomonidan D.A. va A.A.larga nisbatan Oʻzbekiston Respublikasi jinoyat kodeksining 118- moddasi 2- qismi “v, g” bandlari bilan jinoyat ishi qoʻzgʻatilib, ehtiyot chorasi sifatida qamoqqa olingan.
Ko`proq xabarlar Telegram kanalimizda
Obuna bo`ling
