Foto: BBC
Repost.uz nashri O'zbekiston va dunyo bo'yicha eng qiziq sport xabarlarini qisqa va tushunarli ko'rinishda bir joyga jamladi.
Israel Adesanya reper Dreykning "qurboni" boʻldimi?
Foto: Vanguard
Reper Dreyk sobiq UFC chempioni Israel Adesanyaning gʻalabasiga 2 mln dollar tikkan.
Kanadalik reper Israel Adesanyadan avval UFCʻdagi soʻnggi uchta jangida Xorxe Masvidal (250 ming dollar), Jastin Getji (550 ming dollar) va Joze Aldo (240 ming dollar)ning gʻalabasiga tikkan. Sportchilar oʻsha janglarda magʻlub boʻlishgan.
Gana termasi liboslarini esdan chiqarib qoʻydi
Foto: Telecom Asia
Gana termasi delegatsiyasi Qatarga oʻyin liboslarisiz yetib kelgan. Liboslar terma maʼmuri tomonidan olib ketilmagan. Shu sababli endi Gana termasi maxsus reys orqali liboslarni Qatar hududiga olib kirish ishlarini olib bormoqda.
Gana termasi JCHdagi dastlabki uchrashuvini 24-noyabr kuni Portugaliyaga qarshi oʻtkazadi. Shuningdek, guruhdan Janubiy Koreya hamda Urugvay termalari ham oʻrin olgan.
Xoland JCH favoritlarini aytdi
Foto: The Telegraph
Norvegiya termasi hujumchisi Erling Xoland yaqinlashib kelayotgan jahon chempionati favoritlari haqida gapirdi.
“Favoritlar... Menimcha, Braziliya, Argentina va Fransiya, balkim, Angliyadir.
Biroq biror termani aniq ajratib boʻlmaydi. Yaxshi termalar juda koʻp, shu sababli toʻrt terma nomini aytdim”, - dedi Xoland.
Ronaldu mashmashasi davom etadi. U Runi va Nevillning tanqidlari haqida gapirdi
Foto: Yandex source
“Sobiq hamkasblar va jamoadoshlarni tanqid qilish oson, ular faqat bir tomonni koʻradi. Bilmadim, balki ularning televideniyedagi ishi — mashhur boʻlish uchun tanqid qilishdir. Buni haqiqatan ham tushunmayapman.
Kiyinish xonasida birga boʻlgan odamlar sizni shunday oson tanqid qilishlarini koʻrish ogʻir.
Oʻzlariga eʼtibor qaratish uchun nomimdan foydalanishadi, chunki ular ahmoq odamlar emas. Dunyodagi eng koʻp obunachilar menda. Bu oddiy narsa emas.
Men bu odamlarni tushunmayman. Ehtimol, birinchi sahifalarga kirishni xohlashadi yoki yangi ish topishmoqchi.
Runi va Nevill mening doʻstlarim emas. Ular — hamkasblar. Biz birga oʻynadik, lekin ular bilan uchrashmaymiz, birga tushlik ham qilmaymiz”, — dedi 37 yoshli portugal Pirs Morganga bergan intervyusida.
Ko`proq xabarlar Telegram kanalimizda
Obuna bo`ling
