Foto: IIB YHXB
Toshkentning Yunosobod tumanida Lexus va Captiva toʻqnashuvi oqibatida Captiva yonib ketdi. Bu haqda IIB YHXB xabar bermoqda.
Qayd etilishicha, voqea 7-noyabr kuni soat taxminan 22:00 atrofida tumanning Alisher Navoiy - Zarafshon koʻchalari kesishgan chorrahasida sodir boʻlgan.
Foto: IIB YHXB
Unga koʻra, Lexus rusumli avtomobilni boshqarib ketayotgan 53 yoshli fuqaro 21 yoshli haydovchining boshqaruvida boʻlgan Captiva mashinasi bilan toʻqnashuv sodir qilgan. Oqibatda Captiva rusumli mashinada yongʻin sodir boʻlgan.
Voqea oqibatida Lexus va Captiva haydovchilari turli darajadagi tan jarohatlari bilan shifoxonaga yotqizilgan.
Hozirda holat yuzasidan Toshkent shahar IIBB YHXB masʼul xodimlari tomonidan surishtiruv harakatlari olib borilmoqda.
Ko`proq xabarlar Telegram kanalimizda
Obuna bo`ling
