Foto: Blogspot.com
Qashqadaryo viloyati hokimligi 450 mln soʻmga Equinox avtomobilini xarid qilish uchun "UzAuto Motors" dileri bilan shartnoma imzoladi. Shartnoma Davlat xaridlari portaliga joylashtirilgan.
Bunga viloyat hokimining 18-oktyabrdagi qarori asos qilib keltirilgan.
Foto: Telegram
Eslatib oʻtamiz, mart oyida prezident vazir va hokimlarga yil oxirigacha avtomobil hamda boshqa ayrim xaridlarni taqiqlagandi. Davlat rahbari yil yakuniga qadar barcha hokimlik, vazirlik va idoralarga:
- moliyaviy manbasi aniq boʻlmagan qurilishlarni boshlash;
- bino taʼmirlash, avtomobil, mebel, ofis anjomlari xarid qilish kabi qoʻshimcha xarajatlarni amalga oshirishni qatʼiyan taqiqlagan.
Hukumat qarori bilan tuman hokimlari xizmat mashinalari narxlari bazaviy hisoblashning 1 000 baravaridan, dvigatel eng yuqori quvvati 2 ming santimetr kubdan oshmasligi keltirilgan. Agar tuman togʻli hudud boʻlsa, bu quvvatni 3 ming santimetr kubgacha oshirishga ruxsat berilishi mumkin. Bazaviy hisoblash miqdorining istisno chegarasi koʻrsatilmagan.
Ko`proq xabarlar Telegram kanalimizda
Obuna bo`ling