Foto: theguardian
“O‘zbekkino” matbuot xizmati taniqli aktyor, rejissyor va prodyuser Jonni Depp, shuningdek, mashhur amerikalik rejissyor Endryu Levitas bilan uchrashuv bo‘ladi, deb xabar berdi.
13- sentabrdan boshlab 18-sentabrgacha XIV Toshkent xalqaro kinofestivali bo‘lib o‘tadi.
Qayd etilishicha, yulduzli tandem bo‘lajak kinofestival mehmonlari va ishtirokchilariga o‘zlarining qo‘shma ishlari – “Minamata” nomli filmini taqdim etadi.
Minamata — Endryu Levitas rejissyoriligi ostida suratga olingan dramatik film. Filmda Jonni Depp film prodyuseri va amerikalik fotograf Uilyam Yudjin Smit rolini o'ynaydi. U simobdan zaharlanishning Yaponiyaning Minamata qirg'oq shahri aholisiga ta'sirini hujjatlashtirgan.
Filmni tomosha qilgandan so'ng, yulduz tandem bilan birgalikda filmning onlayn muhokamasi bo'lib o'tadi.
Jonni Depp - zamonamizning eng mashhur aktyorlaridan biri, "Oltin globus" va boshqa ko'plab kino mukofotlari sohibi hisoblanadi.
Ko`proq xabarlar Telegram kanalimizda
Obuna bo`ling
