Foto: Twitter
Repost.uz nashri O'zbekiston va dunyo bo'yicha eng qiziq sport xabarlarini qisqa va tushunarli ko'rinishda bir joyga jamladi.
"Budweiser" jahon chempionati uchun tayyorlangan 75 mln yevrolik barcha pivoni g‘olib mamlakatga sovg‘a qiladi
Foto: Telegram
"Budweiser" kompaniyasi shartnomani buzgani uchun FIFAni sudga berishi kutilmoqda. Bunga sabab qilib FIFA chempionat boshlanishiga bir necha kun qolganida pivo sotish taqiqlanganini ko'rsatishmoqda
Hammasi bo'lib Budweiser 75 mln yevrolik o'nlab tonna pivo sovg'a qiladi. Ushbu mablag' chempion jamoa qo'lga kiritadigan sovrin jamg'armasidan deyarli ikki baravar ko'p hisoblanadi.
Krishtianu Ronaldu hamda Lionel Messining birgalikda shaxmat o'ynab o'tirgan rasmi fotoshopda qilingani ma'lum bo'ldi
Foto: Instagram
Futbol super yulduzlari Lionel Messi va Krishtianu Ronaldu Instagram’da qo‘shma post e’lon qildi. Futbolchilar 2022-yilda Qatarda bo‘lib o‘tadigan futbol bo‘yicha jahon chempionati arafasida Louis Vuitton brendining reklamasida ishtirok etishdi.
Ushbu fotosurat hammani hayratda qoldirdi, ammo bu fotoshop ekanligi ma’lum bo'ldi. Futbol yulduzlar asli birga suratga olinmagan.
Messi va Ronaldu turli vaqtlarda studiyaga kelgan, shaxmat taxtasi esa fotoshopning yaratilishidir.
Taekvondo WT boʻyicha Meksikadagi jahon chempionatida oʻzbekistonliklar 4 ta medal oldi
Foto: MOQ
Taekvondo WT boʻyicha Meksikadagi jahon chempionatini Oʻzbekiston terma jamoasi 4 ta medal: 1 ta oltin, 1 ta kumush va 2 ta bronza bilan yakunladi. Unda jami 16 nafar oʻzbekistonlik sportchi qatnashdi.
+73 kg vazn toifasida jang olib borgan Svetlana Osipova oltin medalni qoʻlga kiritdi.
-63 kg vaznlilar orasida Niyaz Pulatov kumush medal oldi. U Ozarbayjon, Misr, Eron, Xorvatiya va Ispaniya vakillarini magʻlub etib, finalgacha yetib keldi. Biroq hal qiluvchi jangda xitoylik Liang Yushuaiga imkoniyatni boy berdi.
Bronza medaliga (-87 kg) Nikita Rafalovich va (-62 kg) Feruza Sodiqova sazovor boʻldi. Bu Nikita Rafalovichga jahon chempionatlaridagi uchinchi, Feruza Sodiqova uchun birinchi medal boʻldi. Bungacha Nikitaning hisobida ikkita kumush medali ham bor edi. Mazkur medal Rafalovich uchun yangi vazn toifasida dastlabkisi hisoblanadi. Bungacha ikki kumushni -74 kg vazn toifasida qoʻlga kiritgan.
Ronaldu Instagramʻda birinchi bo'lib 500 mln obunachiga ega boʻldi
Skrinshot
Portugaliyalik yulduz Instagram ijtimoiy tarmogʻidagi obunachilari soni boʻyicha 500 mlnlik marrani birinchi boʻlib kesib oʻtdi.
Krishtianu yaqinda bergan intervyusida u rekordlarni emas, balki rekordlar uni quvib yurishini taʼkidlagan edi.. U maydondan tashqarida yana bir rekordni qayd etdi. Ronaldu Instagramʻda obunachilari soni 500 mlnga yetgan birinchi insonga aylandi.
Ushbu ijtimoiy tarmoqda obunachilari soni boʻyicha mashhurlar orasida Lionel Messi 375 mln "follover" bilan ikkinchi pogʻonada ketmoqda.
Oʻtgan yili portugaliyalik hujumchi ijtimoiy tarmoqlarda jami 500 mln obunachiga ega boʻlgan edi.
Germaniyada JCH-22ʻga norozilik sifatida 6,5 mingta toʻp qum bilan toʻldirildi
Foto: Twitter
Germaniyaning Shimoliy Reyn-Vestfaliyada 2022-yilgi jahon chempionatini oʻtkazish, tashkil etish va unga tayyorgarlik koʻrishga qarshi norozilik aksiyasi tashkil etildi. U Qatar va Ekvador terma jamoalari oʻrtasidagi oʻyin vaqtida boʻlib oʻtdi.
"Arbeiterwohlfahrt" rahbari Maykl Shloffer: “Mehnat muhojirlarining hayoti har qanday foydadan muhimroq”, - dedi.
Namoyishni oʻzi shunday koʻrinish oldi: Strunkede qalʼasida 1932-yilda qurilgan stadion bor. Ushbu stadion maydoniga qum bilan toʻldirilgan olti yarim ming futbol toʻplari olib chiqildi. Bu Qatarda stadionlar qurilishi vaqtida halok boʻlgan mehnat muhojirlari sharafiga qilindi.
Ko`proq xabarlar Telegram kanalimizda
Obuna bo`ling
